ايوه اللمــــــــــــــــــــــــــــــــــــون

صباح باكر بارد...صباح ليوم ككل يوم لا اختلاف

صباح جديد قديم

احمل جوالى العتيق معقودا فوق كتفى بداخله رأس مالى....

تجارتى.....بضاعتى الراكده

انادى فى كل مكان بصوت احاول ان يكون منغما

"ايوه اللمــــــــــــــــــــــــــون"

فى كل شارع من شواركم الكئيبه الموحشه....امر

وتحت كل شرفه من شرفكم ذات السلال واوانى النباتات....انادى

انادى.........انادى

ولا مجيب

ثمار الليمون الصغيرة تتوسل اليكم ان اشترونى

فلتأخذوها منى.....انى مللتها....وكرهت رائحتها وشكلها المستدير


لم كل هذا الدلال ياقوم!!....الم تعودوا تريدون الليمون؟؟

ام لا تعرفون فيم يستخدم؟؟

اشتروا الليمون واصنعوا عصير

او اشتروه لتضيفوه للسلطه......خذوا الليمون ليلعب به الصغار

او اشتروه واعتقوه لوجه الله ولا تفعلوه به شيئا على الطلاق

فقط اشتروه منى الان

لو كان الامر لى لحكمت على كل رجل بشراء ليمونتين

وعلى كل امرأه بشراء ليمونه

وامرت الفتيات بان يعلقنه فى اطراف جدائلهن ......والشباب فى اعناقهم

اشتروا الليمون ايها الحمقى.......انه لا يكلف سوى بضع قروش

اشتروه يا اوغاد كى اجد قوت يومى واسرتى

اقولها لكم بكل توسل .....بكل تودد

بكل مالدى من صوت وكبت وغيظ وقهر وحاجه

وبكل مابقى عندى من عقل وتريث

"ايوه اللمـــــــــــــــــــــــــــــــــــــــون

وحشتنى رنتك

مع انى عارفه اننا غالبا

مش باقى لينا شئ سوا نعمله

وعارفه ان الخلاف

والاختلاف بيننا كبير

والعقل قال كلمته

وانتهينا

الا انى ساعات كتير

بقعد لوحدى وافتكر كل الكلام

وابتسم

كده ويا نفسى من سكات

وكتير كمان بفتح موبايلى

وادور فيه على رنتك

واسمعها

بدل المرة الف

انا اســـــــــــــــــــــــــــفه

انا اسفه ماقدرش استلم منك رسايل

واحلم واعيش بيها جوه نفسى

وافضل بقى فى الوهم ابات

واستنى يوم تيجى تصارحنى وتصالحنى

ونعيش سوا فى تبات نبات

انا اصلى عارفه ان انت مش بتحبنى

ولا فى يوم هاتحبنى

جوايا خواف

وحده

وقلق

لكنى مش هاسند عليك

حتى لو انت نفسك تبقى جنبى فى غربتى

مش عايزة اتعكز عليك

لو اعتمدت عليك هاضيع

لانى عارفه ان انت مش بتحبنى

ولا فى يوم هاتحبنى

محتاجه ليك.....اه ده اكيد

لكن اكيد كمان مش عايزة تخريف فى الدماغ

بين أه ولأ فى حيره صعبه قلبى داخ

ودوخت انا

لكنى برده خلاص فهمت

ان انت مش بتحبنى

ولا فى يوم هاتحبنى

ورضيت خلاص

فستانى

لم اقرر بعد كيف سيكون

وبأى الخامات....ولا اعرف طوله او شكله

لكنه بالتأكيد سيكون الاجمل بين فساتين الفتيات

سأكون اميرة تتهادى

كالحلم....

كضباب الفجر الشفاف

كجناح فراشه منطلقه فى صبح مشرق صحو

سأضئ وفستانى الليل

وكل ليالى الكون

وسأبدو كبريق شهاب يخطف كل الابصار

ولا يعنينى الا عينيك

ولا اهتم لرأى سواك

تخبرنى كم يبدو جميلا بى فستانى

فنطير بكلماتك ونعود

سيحبك جدا فستانى وانا اتراقص بين يديك

وبباطن كفيك الحانى

تلمس خصر فستانى

فيتقافز قلبى فى قلب فستانى

ويسعنى الكون وفستانى فرحين

وعاصفه احساس تقتلع الدنيا من حولى

ولا ابالى الا بعينيك

ثم ينام الناس ويغفو الليل

واسهر مع فستانى اتأمل تفاصيل الليله

الف مرة اتأمل

وفى كل مرة افرح من جديد

واحبك من جديد

فى غمضه عشرين يوما

حدث كل شئ فى غمضه عشرين يوما

كان اللقاء...اضواء المقهى وهديل الناس...رائحه البن المدلل فى الهواء

ووجهه يملأ عينيها....."انه هو"يرمقها من خلف زجاج نظارته الشفاف

تمتصها نظراته...وتقاوم

لا...لا لن احبك ..فانا لست قابله للاحتلال

قمرا وليدا وورده حمراء....واستعمرها...ملكها.

وكان حفل تتويجه حبيبا لها والكل سعيد

شعبها.....قلبها وعينيها

وروحها ترقص طربا فى داخلها

دون ان تسأل لماذا؟؟

او قد تكون سألت ومازالت تنتظر جواب

قال:"احبك" فطارت فرحا كسحابه صيف منتعشه

وليال عطرها صوته

مضيئا احلامها ويقظتها

ملكت اكوانا

ظنت انها تحبس ضوء الشمس فى البللور

قالت:"احتاجك"

فرد بحنان غامر:"سافتقدك ابدا" ......ومضى.

شفت النجمه

شفت النجمه سألتها عنك

قلت: حبيبى ازيه الوقت؟

ردت قالت: الله يعينه

بيفكر فيك طول الوقت

قلت معذب نفسه معاه

طب مايقولى اللى جواه

ولا يلمح

حتى اشارة اى امارة

او اغنيه يقول مشتاق

وانا راح اطيب خاطرة

واقوله ان انا مستنى


واما سألتها طب ايه جابك؟

دانا بعتاكى تكونى وياه!

ردت تانى:هو بعتنى بنفسه

اطمن قبله وارجع تانى

ابقى معاه



شفت النجمه؟؟

دانا وياها بعتت سلامى

ورمش عيونى كمان تذكار

علشان تعرف مين على بالى

وجوه عيونى ليل ونهار



شفت النجمه؟ اوعى تقول لسه

دنا قلتلها تروح على طول

علشان تعرف انى لايمكن

اقسى عليك واعمل مشغول



شوف النجمه

تقولك حالى

دى اغلى اصحابى بقالها سنين

وانا قلتلها انك عندى

حبيبى وعمرى وكلى حنين

وحكيتلها عن لهفه قلبى ارد سلامك

قلت ان انا مستنى كلامك

نفسى تقولى انك مشتاق

وانى حبيبتك

حتى فى غيبتك قلبى معاك

..............هتنسانى

هتنسانى؟

ياترى هتروح وتنسانى

وتنسى الحب والاشواق

وتنسى الضحك ويا كلام كتير قلناه

وتنسانى؟

وتنسى مكانا

اللى كان بيبجمعنا

وتنسى وعود

وتنسى دموع

وتنسى حاجات كانت بينا

وتنسانى؟

وتنسى انى كنت فى يوم

ولا اعرف شئ عن الدنيا

لحد ماقلبى هزيته

وخليته يحب حتى انفاسك

واحساسك

ونظراتك

وكلماتك

وهمساتك

وتنسى كل يوم عشته انا

لحبك

وتنسى كل يوم عشته انا

فى قربك

وتنسى كل شئ قلته

وماقلتوش

لكن قلته

وتنسانى؟

اقولك سر

قلبى هيسامحك لو رجعت فى يوم

تقولى "يا قلبى وحشانى"

واصدق انى ماغبت عن بالك

وانى عشت فى خيالك

طول الاوقات

فى كل ساعات بعادك عنى

وبعادى

وانا عايشه بدوب فى هواك

على امل انى يوم القاك

واعيش وياك بقية عمرى

لكن لو كنت تنسانى

وتستغنى

بيقة عمرك

اعيش بالحب

واتمنى

نعيد الحب

زى زمان

وترجعلى

تقولى "ياعمرى قابلينى"

واقابلك تانى زى زمان

نفس المكان

هجيلك اوعى تنسانى

والاقيك ولا عدى عليك الوقت

ولا قلل هواك البعد

ولا مرة بتنسى الشوق

وتنسانى