شفت النجمه

شفت النجمه سألتها عنك
قلت: حبيبى ازيه الوقت؟
ردت قالت: الله يعينه
بيفكر فيك طول الوقت
قلت معذب نفسه معاه
طب مايقولى اللى جواه
ولا يلمح
حتى اشارة اى امارة
او اغنيه يقول مشتاق
وانا راح اطيب خاطرة
واقوله ان انا مستنى
واما سألتها طب ايه جابك؟
دانا بعتاكى تكونى وياه!
ردت تانى:هو بعتنى بنفسه
اطمن قبله وارجع تانى
ابقى معاه
شفت النجمه؟؟
دانا وياها بعتت سلامى
ورمش عيونى كمان تذكار
علشان تعرف مين على بالى
وجوه عيونى ليل ونهار
شفت النجمه؟ اوعى تقول لسه
دنا قلتلها تروح على طول
علشان تعرف انى لايمكن
اقسى عليك واعمل مشغول
شوف النجمه
تقولك حالى
دى اغلى اصحابى بقالها سنين
وانا قلتلها انك عندى
حبيبى وعمرى وكلى حنين
وحكيتلها عن لهفه قلبى ارد سلامك
قلت ان انا مستنى كلامك
نفسى تقولى انك مشتاق
وانى حبيبتك
حتى فى غيبتك قلبى معاك


0 Comments:
Post a Comment
Subscribe to Post Comments [Atom]
<< Home